ما هو الفرق المناسب بين الفتاه والشاب ؟؟؟؟

من طرف **gentelman** الإثنين سبتمبر 07, 2009 4:37 am

ما هو الفرق المناسب بين الفتاه والشاب ؟؟؟؟

با النسبه لموضع فرق السن بين الفتاه والشاب انا برأيي انو يكون
السن متقارب جدا بينهم يعني الفرق من سنتين الي اربع سنوات
حتى يسهل التفاهم والاتفاق بينهم لانو تقريبا الافكار بتكون مترابطه
ومنسجمه مع بعض وهوي بيفهم عليها وهي كمان بتبادلو الشعور ذاتو
ومعضم حالات الطلاق بتنتج عن الفرق الكبير بين الزوجين يالي هوي
السبب الرأيسي لحدوث المشاكل بينهم واتخلاف المرأه وميولها
ورغباتها عن رغبات الزوج وميوله لانو فرق كبيره با المرحله العمريه
بينهم على سبيل المثال لو كان الفرق 10 سنوات الزوجه 20 والزوج 30
بيجوز البعض منكم يعتبر هادا الزواج زواج ناجح بس با العفل لو نضرنا الو
من زاويه تانيه وهي زاويه الاتفاق والانسجام رح نلاقي انو عنجد هل الزوجه بتعاني
كتير وبتتعرض لمشاكل يوميه وهي اصلا ما بتضهرها لزوجها خوف تجرح شعورو
او هيك شي بس انا بحس انو لو كانت الاعمار متقاربه بيكون احسن بكتير
لانو كل فتره بتمر عليهم اكيد فيها تغيرات من جميع النواحي هيك بيعيشو هاي
التغيرات سوا ومع بعض وبيفهمو بعض اكتر اما لو كان الفرق كبير بينهم على ما اعتقد
رح يكون صعب التفاهم والتواصل وصعب يلاقو لغه حوار بينهم لانو رح تكون أفكار
الزوج مختلفه عن أفكار الزوجه خلينا على المثال لاول انو الزوجه 20 والزوج 30
هي بتطرح على زوجها فكره متلا شو رأيك نروح نتغدا با المطعم او نطلع مشوار
او نروح على السوق بتصير معنا كتير صح شوفو شو رح تكون ردت فعلو ( طبعا مو كل الازواج
بس أغلبهم ) انا اليوم مو فاضي وعلي شغل وشو هل المصريف الفاضيه هاي منوكل با الدار احسن
او اطلعي عند جارتك او اهلك او أي اشي يفرغ عنك
بس بيجوز لو كان العمر قريب يفهم عليها اكتر ويحس فيها انو هي زهقانه وبدها تطلع
ويحققلها يالي بدها اياه ويفرغ عنها ..

* برأيك انت ما هو فرق العمر المناسب بينك وبين شريك حياتك يالي رح ترتبط في ؟؟؟
* او ازا متزوج هل برأيك فرق العمر بيسببلك مشاكل او متأقلم مع الوضع عادي ؟؟؟
اللهم ارزق اخوتنا واخواتنا الازواج والزوجات و الذريات الصالحة ووفقهم لما تحبه وترضاه

(شكرا الكم كتير بتمنا موضوعي يعجبكم )
أترك التعليق لكم على الموضوع